♪～撰寫～♪

自從上次一次過慶祝晒生日後,好似好耐無同大家見面,大家仍然安好吧?雖然本來諗住寫份500字memo,但係最後都係決定係度留言,撻番一晚,聽日先算. (相比起某d 4000字essay都可以前一日先開始做嘅人黎講,應該唔算好過份…)

仲記得yr1果陣,因為唔適應,所以讀得都幾辛苦,點知d組爸媽就話yr1已經係蜜月期,yr2會讀到傻咗,要到yr3先會好過d,於是就係咁捱咗一年.到咗yr2,發覺前人所言非虛,真係讀到嘔電,但係一諗到之後會易d過,於是又係咁碌過咗.到咗最近,經過三個星期地獄式交功課之後,終於明白原來好過d係指經歷完兩年洗禮後,應該已經習慣咗…可能以前真係算舒服,今個reading week居然平均每日要做1.4樣野,搞到每朝瞓妟d都有少少怯的感覺,係到上個禮拜先開始輕鬆番d. 雖然上個禮拜經歷咗d唔開心嘅事,但係原來時間真係可以沖淡一切,今個星期終於回復正常.最後分享一件令我覺得幾溫暖嘅事:早兩日返呂中教辯論,撞到達明,哈,佢竟然仲記得我個名,說實在的,雖然五年chem都係佢教,但係都真係估唔到仲記得我,唔多唔少都有d感動.

下筆時本想以書面語寫作,但發覺自己中文程度已經降得太低,竟未能傳神地寫出所思所想,二害取其輕,最後選擇了口語,看來我的中文還需多加練習,真失敗.