♪～撰寫～♪

唔得喇我真係要用口語喇今次，實在太樣衰
叉開話題先，我又發現呢個blog多一個好處喇，就係可以俾我用口語
基於奇怪既堅持我一直冇辦法係自己xanga同日記用得落手
話時話冇我日記果兩個可以msn問我拎，因為我成日都唔記得要講

好喇返黎，講返樣衰先
蕩失路都算喇呢樣慣晒喇一早
連sonic都用個「早知你會嫁啦」既語氣問我有冇蕩失
算講真唔會蕩失既就唔係我啦，真係會講都冇人信
但係呢我真係估唔到我會白痴成咁
我竟然唔知道今日要上china studies !!!
話說呢我一路都被通知week 1係唔駛上通識科既
而所有科對week 1既定義都係1/9-7/9
所以我完全冇半分覺得今日要上
點知今日先知原來通識科指既week 1竟然係1/9-2/9 !!?? 玩野呀
即係話今日原來，係原來竟然已經係week 2，真係唔好玩啦大佬
我知道既時候完全O晒咀，天呀我下堂china studies原來仲要測驗囉

好喇講到呢度大家都知咩事喇，但係件事未完嫁
最精彩既地方係星期二晚係我ocamp果組既re-u
當日有位朋友仔成9點先到，我仲問佢咩事咁遲
佢話我聽係因為上china studies上到8點半，我仲答佢「哇真係辛苦喇」咁囉 !!!
我係完全半分「咁即係星期四我都要上堂啦」既意識都冇
尋日仲夠膽死周圍問人肯唔肯陪我玩「因為我唔駛上通識有天地堂」
你話係唔係超級樣衰丫 ??!! 呀救命呀唔駛做人喇我
我宜家仲要搵唔返份筆記，咁我下堂點測驗呀 !?
救命呀呢個世界點解會咁嫁 !!!!??????